Rusia ka burgosur 600 gazetarë dhe aktivistë, thotë Ukraina

Rreth 300 civilë ukrainas, kryesisht gazetarë dhe aktivistë publikë, po mbahen në burgjet e improvizuara në Kherson dhe 300 të tjerë në vendbanime të tjera të pushtuara në rajonin e Khersonit, sipas të dërguarit të presidentit ukrainas për Krimenë, Tamila Tasheva.

Tasheva tha se janw rreth 600 persona në rajon që po mbahen pengje në bodrume të pajisura posaçërisht si burgje”, njoftoi agjencia e lajmeve Interfax, raporton BBC.

“Ata mbahen në kushte çnjerëzore dhe torturohen. Dëshmitarët raportojnë klithma që mund të dëgjoheshin nga vendet ku qytetarët tanë u nënshtroheshin veprimeve të tilla të paligjshme”, tha ajo në një konferencë shtypi.

Tasheva tha se disa civilë po zhvendosen nga rajoni Kherson në Krime dhe po mbahen si pengje civilë dhe robër lufte.

LEXONI GJITHASHTU:

• Rusia pretendon se ka marrë nën kontroll 97% të rajonit të Luhanskut
• Rusia nuk do ta mbajë dot ushtrinë prej sanksioneve të Perëndimit