Rusia ndalon Boris Xhonson të hyjë në territorin e saj
Rusia i ka ndaluar hyrjen në territorin e saj, kryeministrit britanik Boris Xhonson dhe disa ministrave që bëjnë pjesë në kabinetin e tij qeveritar.
Sipas Rusisë, ky vendim vjen për shkak të qëndrimit “armiqësor” të Mbretërisë së Bashkuar për luftën në Ukrainë, shkruan BBC.
Sekretarja e Jashtme Liz Truss, Sekretari i Mbrojtjes Ben Wallace dhe 10 politikanë të tjerë të lartë ndalohen gjithashtu që të hyjnë në territorin rus.
“Fushata e shfrenuar informative dhe politike e Londrës synonte izolimin ndërkombëtar të Rusisë, krijimin e kushteve për të dëmtuar ekonominë e brendshme. Udhëheqja britanike po përkeqëson qëllimisht situatën rreth Ukrainës, duke mbështetur regjimin e Kievit me armë vdekjeprurëse dhe duke koordinuar përpjekje të ngjashme nga ana e NATO-s”, thuhej në njoftimin e Ministrisë së Jashtme ruse.
Në muajin mars, Moska mori një vendim të ngjashëm edhe kundër presidentit amerikan Joe Biden.
Kryeministri Xhonson zhvilloi një takim në Kiev me Presidentin e Ukrainës Volodimir Zelenski, më 10 prill.
Xhonson konfirmoi mbështetje të mëtejshme ekonomike për Ukrainën, duke i çuar garancitë totale të huasë në Mbretërinë e Bashkuar në 770 milion paund.
LEXONI GJITHASHTU
Kryefaqja
Tajani: Është SHBA-ja ajo që “duhet ta ndalojë Izraelin” për paqen në LM
SHBA tërheq trupat nga Lituania
Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta