Rusia nis sulmin masiv ndaj infrastrukturës energjetike të Ukrainës

Kompania furnizuese e energjisë elektrike e Ukrainës, Ukrenergo, njoftoi  se sulmi rus ndaj termo-elektranës shkaktoi dëme serioze. Gjatë tij u lënduan tre punonjës.

Më shumë se dy vjet pas pushtimit rus, sulmet me raketa dhe dron kanë dëmtuar kapacitetin e prodhimit të energjisë elektrike të Ukrainës dhe kanë detyruar Kievin të imponojë ndërprerje dhe të importojë furnizime nga Bashkimi Evropian.

“Pajisjet në Vinistia, Dnipropetrovsk, Donetsk dhe Kiev janë dëmtuar”, njoftoi Ukrenergo përmes një deklarate.

Ministria e energjisë tha se ky ishte “sulmi i tetë masiv, i kombinuar në objektet e infrastrukturës energjetike” në tre muajt e fundit.

Të mërkurën, Ukrenergo njoftoi se reduktime të rregullta një orëshe të energjisë elektike do të zbatoheshin në tërë vendin. Sulmet ruse me dronë dhe raketa kanë përgjysmuar kapacitetin e prodhimit të energjisë elektrike të Ukrainës krahasuar me vitin e kaluar, sipas Presidentit ukrainas Volodymyr Zelenskyy.

Shefi ekzekutiv i DTEK Maxim Timchenko paralajmëroi se Ukraina “përballet me një krizë serioze këtë dimër” nëse aleatët perëndimorë të vendit nuk ofrojnë ndihmë ushtarake për të mbrojtur rrjetin energjetik.

LEXO GJITHASHTU:

• SHBA dënon hapat e Rusisë e Koresë së Veriut për thellim të bashkëpunimit ushtarak
• Zelensky e përgëzon Ukrainën për fitoren në Euro 2024, e krahason me luftën