“Rusia po avancon”- Zelensky apel partnerëve: Të përmbushin detyrimet për armatimet

Presidenti Volodymyr Zelensky ka pranuar avancimin e trupave ruse dhe ka theksuar rëndësinë që aleatët e Ukrainës të përmbushin detyrimet për furnizimin me armë.

“Është shumë e rëndësishme që partnerët tanë të përmbushin detyrimet. Për secilën paketë, sipas të gjitha marrëveshjeve. Kjo është jetike për ne”, dekalroi Zelensky.

Një person humbi jetën dhe 16 të tjerë mbetën të plagosur pasi 24 vendbanime në rajonin e Khersonit u ndodhën nën zjarrin rus.

Ndërsa në Pokrovsk, trupat ukrainase mbrojtën qytetin nga njësitë ruse që po avancojnë me shpejtësi drejt bazave logjistike.

Rënia eventuale e Pokrovskit, një nga bastionet e Ukrainës, do ta sillte Rusinë më pranë synimit të saj për marrjen e rajonit të Donjeckut.

Në vijim, Zelensky tha se shpreson që Perëndimi të çojë përpara planin për t’i dhënë Ukrainës huanë e premtuar prej 50 miliardë eurosh nga asetet e ngrira ruse.

Më herët gjatë vitit, 27 vendet anëtare pranuan të përdornin interesat e fituara nga asetet bankare ruse për të ndihmuar Kievin.

LEXONI GJITHASHTU:

• Inkursioni i Ukrainës brenda territorit rus, Medvedev bën thirrjen e fortë
• Ukraina nis sulmin brenda territorit të Rusisë, shpallet gjendja e jashtëzakonshme