Rusia po dobësohet ushtarakisht nga sanksionet e Perëndimit, thotë Scholz

Rusia nuk do të jetë në gjendje të ruajë fuqinë e saj ushtarake për shkak të sanksioneve të ashpra perëndimore, tha të martën kancelari gjerman Olaf Scholz.

Vendet perëndimore e kanë goditur Rusinë me një sërë sanksionesh që nga pushtimi i saj në Ukrainë, tha Scholz teksa pohoi se sanksionet e shtrira në kohë do ta kthenin ekonominë ruse prapa “me dekada”, raporton CNN

“Rusia nuk do të jetë në gjendje të bëhet pjesë e përparimit që ndodh në botë, në progresin ekonomik dhe teknik. Kjo po bëhet më e qartë çdo ditë e më shumë dhe është një dëm i madh”, tha kancelari në një konferencë për shtyp gjatë vizitës së tij në kryeqyteti i Lituanisë Vilnius për një takim me krerët e shteteve baltike.

Scholz shtoi se edhe nëse Rusia abuzon me importet e mallrave civile për qëllime ushtarake, Moska nuk do të jetë në gjendje të ruajë aftësitë e saj ushtarake në të njëjtën mënyrë për shkak të sanksioneve.

LEXONI GJITHASHTU:

• Gjermania dhe SHBA-ja bien dakord për furnizimin e Ukrainës me armë
• Gjermania ndalon flamurin e Ukrainës në përkujtimin e Luftës së Dytë Botërore