Rusia po përpiqet të fshijë historinë e Ukrainës, thotë Zelenski

Presidenti ukrainas, Volodimir Zelenski deklaroi se Rusia po përpiqet të fshijë historinë e Ukrainës.

Deklaratën, Zelenski e dha këtë të premte gjatë një bisede online me studentë ukrainas në Mbretërinë e Bashkuar.

“Kjo luftë është e dukshme dhe monstruoze, rusët “flasin për qëllime paqësore, por, ata po vrasin fëmijë dhe gra. Misioni rus është të fshijë historinë tonë, shtetin tonë, identitetin tonë dhe të mohojë ekzistencën tonë. Dhe si i tillë t’i tregojë botës se ne kurrë nuk kemi ekzistuar se ne jemi një popull i krijuar artificialisht si një shumëllojshmëri bimësh, ose kafshët”, u shpreh ai.

Ndërsa, në përvjetorin e 350-të Pjetrit të Madh, Putin e ka krahasuar luftën e tij në Ukrainë me aksionet e carit.

“Pjetri i Madh udhëhoqi luftën për 21 vjet, mund të thuhet se ai po luftonte me Suedinë duke u përpjekur të rrëmbejë disa territore . Megjithatë ai nuk po bënte diçka të tillë. Ai po kthente tokën e marrë. Kthimi dhe konsolidimi i tokës. Kjo është ajo që ai po bënte. Tani duket se është radha jonë për t’u rikthyer dhe konsoliduar”, tha Putin.

LEXONI GJITHASHTU

• Presidentja e PE-së kërkon dhënien e statusit kandidat për Ukrainën

• Rezistenca në Ukrainë, Putin krahason pushtimin me aksionet e Pjetrit të Madh