Rusia publikon pamjet e ushtarëve ukrainas të dorëzuar në Azovstal

Ministria ruse e Mbrojtjes ka publikuar pamjet e atyre që thotë se janë disa nga ushtarët ukrainas të plagosur që janë evakuuar nga uzina Azovstal në Mariupol që nga e hëna, raporton BBC.

Videoja tregon burra me pamje të lodhur të shtrirë në shtretër në një repart spitalor, të mbështjellë me batanije.

Rusia thotë se rreth 1000 luftëtarë janë dorëzuar deri më tani dhe janë dërguar në territorin që ajo kontrollon.

Moska ka thënë se shumë prej ushtarëve do të hetohen, ndërsa disa deputetë rusë këmbëngulin se ata nuk duhet të shkëmbehen me të burgosur rusë.

LEXONI GJITHASHTU:

• Rusia dëbon 85 diplomatë nga Franca, Spanja dhe Italia
• Ukraina përfundon ‘misionin luftarak’ në Mariupol