Rusia shton sulmet me dronë dhe raketa ndaj Ukrainës

Rusia nisi një valë sulmesh me dronë, raketa ajrore në Kiev dhe qytete të tjera të Ukrainës, thanë zyrtarët të hënën.

Rreth 16 sulme me raketa kishin shënjestruar qytetet e rajoneve Kharkiv, Kherson, Mykolaiv dhe Odesa.

Mbrojtja ajrore e Ukrainës shkatërroi të gjithë 35 dronët Shahed të prodhuar nga Irani që Rusia kishte nisur, tha ushtria.

Kryebashkiaku i Kievit tha se të paktën pesë persona u plagosën në kryeqytet mes dëmeve në një depo karburanti, makina, ndërtesa dhe infrastrukturë.

“Fatkeqësisht, ka civilë të vdekur dhe të plagosur, ndërtesat e larta, shtëpitë private dhe infrastruktura e tjera civile janë dëmtuar”, tha ushtria.

Një magazinë ushqimore është djegur në qytetin Odesa të Detit të Zi.

Sulmet e reja vijnë ndërsa Moska përgatitet për paradën e Ditës së Fitores të së martës, një ngjarje kyçe për presidentin Vladimir Putin, i cili ka ngjallur frymën e triumfit sovjetik mbi Gjermaninë naziste, duke akuzuar Ukrainën se është nën kontrollin e një lloji të ri fashizmi.

LEXONI GJITHASHTU: 

• BE propozon sanksione të reja për kompanitë kineze që bashkëpunojnë me Rusinë
• Ushtria e Kosovës pajiset me dronë Bayraktar