Rusia sulm masiv në gjithë Ukrainën, të paktën 5 të vrarë

Dronë dhe raketa ruse goditën të martën gjithë Ukrainën, duke vrarë të paktën pesë persona. Sulmet vijnë një ditë pas një sulmi të ngjashëm intensiv me raketa e dronë, që goditën objektet energjetike në të gjithë vendin.

Presidenti Volodymyr Zelenskyy tha se gjatë sulmeve të së martës u përdorën 81 dronë, si dhe raketa me vetëdrejtim dhe balistike. Zyrtarët njoftuan se nga mbetën të plagosur 16 persona.

“Ne padyshim që do t’i përgjigjemi Rusisë për këtë dhe të gjitha sulmet e tjera. Krimet kundër njerëzimit nuk mund të mbeten pa u ndëshkuar”, shkruante zoti Zelenskyy në rrjetin social X.

Në rajonin e Kievit, i cili po përballet me ndërprerje të energjisë pas sulmit të së hënës, gjatë natës u dhanë pesë alarme ajrore.

Administrata rajonale tha se mbrojtja ajrore kishte shkatërruar të gjithë dronët dhe raketat, por mbetjet e tyre kishin shkaktuar zjarre në pyje.

Pas breshërisë me rreth 200 raketa e dronë të së hënës, Kryeministri Denys Shmyhal tha se “infrastruktura energjetike është bërë sërish objektiv i terroristëve rusë”. Ai u kërkoi aleatëve të Ukrainës që t’i sigurojnë vendit të tij armë me rreze të gjatë veprimi dhe ta lejojnë atë t’i përdorë ato për të goditur objektiva brenda Rusisë.

LEXONI GJITHASHTU:

• Qeveria izraelite financon për herë të parë sulmin ndaj Xhamisë Al-Aksa
• Inkursioni ukrainas, zyrtari i lartë i OKB-së viziton centralin bërthamor në Kursk