Rusia sulm masiv për të marrë qytetin e Kharkiv, zmbrapsen forcat ukrainase

Ministria e mbrojtjes së Ukrainës ka deklaruar se forcat e saj po zmbrapsin një sulm në rajonin e Kharkiv.

Kievi dërgoi përforcime në qytetin e dytë më të madh në Ukrainë, pas një përpjekjeje për të marrë qytetin rreth orës 5 të mëngjesit të sotëm.

Një burim i lartë ushtarak ukrainas thotë se forcat ruse kanë avancuar 1 km pranë Vovchansk, në rajonin e Kharkiv.

Burimi informoi se forcat ruse po synojnë të shtyjnë trupat ukrainase deri në 10 km larg kufirit për të krijuar një zonë tampon.

Sulmet ruse në rajon mund të jenë një shenjë që Moska po kërkon të hapë një front të ri në luftë.

Raportet evidentojnë një grumbullim të trupave ushtarake ruse në zonë duke tentuar të zmbrapsin forcat e varfëruara mbrojtëse të Ukrainës.

“Përafërsisht në orën 5 të mëngjesit, armiku pati një përpjekje për të depërtuar vijën tonë mbrojtëse nën mbulesën e automjeteve të blinduara”, tha ministria e Mbrojtjes së Ukrainës.

“Deri tani, këto sulme janë zmbrapsur; betejat me intensitet të ndryshëm vazhdojnë”, vijon njoftimi.