Rusia thotë se ka zmbrapsur sulme me dronë ndaj një rafinerie të naftës

17 Qershor 2023 | 13:23

Rusia tha më 17 qershor se ka shkatërruar tre dronë, që sipas Moskës po shënjestronin një rafineri të naftës në rajonin kufitar Brjansk, teksa Ukraina po vazhdon kundërofensivën e saj ndaj forcave ruse.

“Sistemet ajrore ruse gjatë natës kanë zmbrapsur sulmet nga forcat e armatosura ukrainase në rafinerinë e naftës ‘Druzhba’, në qarkun Novozibkov”, tha guvernatori i rajonit Brjanks, Alexander Bogomaz.

“Falë profesionalizmit të ushtrisë sonë, tre dronë janë shkatërruar”, shtoi ai.

Guvernatori rus nuk përmendi ndonjë dëm.

Sulmet me dronë janë shpeshtuar muajve të fundit, me Kievin dhe Moskën që kanë pretenduar se kam zmbrapsur disa prej tyre, shkruan REL.

Në tokën ruse, ndërtesat për prodhimin e naftës – lëndë esenciale për furnizimin e trupave – duket se janë caqet kryesore të sulmeve me dronë.

Gadishulli ukrainas i Krimesë, që është i ankesuar nga Moska e që Kievi synon ta rimarrë, po ashtu sulmohet vazhdimisht me dronë.

Forcat ruse gjatë javës kanë shkatërruar nëntë dronë mbi këtë gadishullin, sipas guvernatorit të instaluar nga Moska, Sergei Aksyonov.

Javën e kaluar, një dron goditi një ndërtesë banimi në qytetin jugor rus, Voronezh, duke plagosur dy persona.

Kjo ishte hera e parë që u raportua për një sulm me dron në Voronezh, qytet që gjendet thellë brenda territorit të Rusisë.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Tërmetet në Venezuelë morën pothuajse 3,000 jetë, operacionet humanitare vazhdojnë

Numri i personave të vrarë në tërmetet shkatërruese në Venezuelë është rritur në 2,954, njoftoi sot Presidenti i Asamblesë së atij vendi, Jorge Rodriguez. Siç...
09:13 | 05/07/2026

Kartëmonedhat me firmën e Trumpit hidhen në qarkullim

Ministri amerikan i Financave, Scott Bessant, njoftoi se, me rastin e shënimit të 250-vjetorit të pavarësisë së Shteteve të Bashkuara të Amerikës, u vunë në...
09:10 | 05/07/2026

Tragjedi në Kongo, më shumë se 20 studentë humbin jetën nga përmbysja e anijes

Të paktën 20 persona humbën jetën kur një varkë prej druri që transportonte studentë që po jepnin provimin shtetëror u përmbys në Kongon qendrore, njoftuan...
09:07 | 05/07/2026