Salianji i kërkon Berishës të ndalë sulmet ndaj Yuri Kim

Deputeti demokrat Ervin Salianji i ka kërkuar Sali Berishës të ndalë sulmet ndaj ambasadores amerikane dhe çdo përfaqësuesi të Shteteve të Bashkuara.

Deklarata e Salianjit u bë gjatë mbledhjes së grupit të PD, e shoqëruar me debate të shumta mes mbështetësve të Komisionit të Rithemelimit dhe pjesës së PD që mbështeste Lulzim Bashën.

“Secili prej jush është në të drejtën e vet për sa kohe flet në cilësi personale dhe jo në emër të grupit, por zoti Berisha duhet të ndalen sulmet ndaj ambasadores amerikane dhe çdo përfaqësuesi të Shteteve të Bashkuara. Problemet ja kemi shkaktuar njeri-tjetrit, nuk mund të shpallim fajtorë ambasadorët për gabimet e dikujt. Na ka ndarë jo mbështetja ndaj një personi, por mbështetja që i kemi dhënë siglës dhe puna për demokratët”, mësohet të jetë shprehur Salianji.

LEXONI GJITHASHTU:

• Berisha: Alibeaj nuk ka asnjë tagër si kryetar i PD në detyrë
• Mblidhet Grupi Parlamentar i PD-së, Berisha i pranishëm