“Sanksionet ndaj Rusisë të paligjshme”, Putin flet në Unionin Rus të Sipërmarrësve

Teksa pritet një telefonatë vendimtare mes Donald Trump dhe Vladimir Putin, ky i fundit po i drejtohet një takimi të Unionit Rus të Industrialistëve dhe Sipërmarrësve në Moskë.

Gjatë bisedimeve, ai i përshkroi sanksionet e vendosura ndaj Rusisë në vazhdën e pushtimit të saj në Ukrainë si “të paligjshme”. Sipas presidentit rus, kërcënimi i sanksioneve do të varet gjithmonë mbi Rusinë

“Konkurrentët tanë gjithmonë do të duan të frenojnë vendin tonë dhe të dobësojnë mundësitë e tij ekonomike dhe teknologjike”, tha Putin.

Këtë të martë, zëdhënësi i Kremlinit Dmitry Peskov tha se telefonata Putin-Trump pritet të zhvillohet pasditen e sotme.

Ndër të tjera, lideri rus paralajmëron në takimin e Unionit Rus të Industrialistëve dhe Sipërmarrësve që të mos u besohet shumë vendeve të huaja.

Putin i referohet lëvizjeve mbi konfiskimin e aseteve ruse jashtë vendit dhe thotë se vendet e huaja kanë marrë gjithçka, në një mënyrë të vrazhdë dhe të pacivilizuar.

“Nuk po flas as për disa sisteme juridike, ato thjesht nuk ekzistojnë, ekzistojnë vetëm për ta. Nuk mund t’u besosh atyre. Është e nevojshme të krijohet brenda vendit tonë një sistem politik dhe ligjor që do të sigurojë që gjërat të jenë të vështira, të qëndrueshme dhe të besueshme”, shtoi Putin.

LEXONI GJITHASHTU:

• Dhjetëra deputetë të Parlamentit Evropian bëjnë thirrje për sanksione ndaj Dodikut
• Trump Jr tha se bombardimi i Serbisë ishte gabim, John Bolton komenton deklaratën