Sassuolo ‘5 yje’ ndaj Milanit, Juve turpërohet nga Monza

Milani ka regjistruar ndeshjen e 4-ët radhazi pa fitore në kampionat, duke konfirmuar plotësisht krizën. Java e 20-ë e Serisë A italiane nuk shkoi mirë për kuqezinjtë e Stefano Piolit, të cilët u mposhtën në shtëpi me rezultatin e thellë 2-5 nga Sasuolo. Miqtë shënuan 3 herë që në pjesën e parë, ndërsa Milani reagoi me Zhiru. Në të dytën u shënuan dhe 3 gola të tjerë, 2 nga Sasuolo dhe 1 për Milanin.

Ecuri negative dhe për Juventusin i cili zhgënjeu sërish tifozët bardhezi. Torinezët u mposhtën në shtëpi nga Monza, e cila në 5 ndeshjet e fundit nuk numëron asnjë disfatë. Kryesuesit e kampionatit duket se e kanë harruar humbjen e 5 javëve më parë, teksa në fundjavë lekujduan Romën e Jose Mourinjos. Osimhen dhe Simeone shënuan për Napolin, ndërkohë që El Sharaui golin e vetëm për romanët.

Lazio dhe Fiorentina ndanë pikët në fund të 90 minutëshit të zhvilluar në stadiumin Olimpiko. Kazale zhbllokoi rezultatin duke kaluar në avantazh vendësit, ndërsa me nisjen e pjesës së dytë reagoi skuadra violë. Në minutën e 49 Gonzalez solli barazpeshën momentale, e cila mbeti e tillë deri në përfundim të sfidës.

LEXONI GJITHASHTU

• Tjetër goditje për Dani Alves, skuadra i ndërpret kontratën
• Akuzohet për ngacmim seksual, arrestohet futbollisti Dani Alves
• Dyshohet për sulme seksuale, ylli brazilian i futbollit Dani Alves nën hetim