Udhëheqësit e Francës, Gjermanisë dhe Italisë pritet të vizitojnë Kievin të enjten, në një përpjekje për të treguar mbështetjen e tyre për Ukrainën.
Vizita e kancelarit gjerman Olaf Scholz, presidentit francez Emmanuel Macron dhe kryeministrit italian Mario Draghi vjen pasi Komisioni Europian do të bëjë rekomandime mbi perspektivat e anëtarësimit të Ukrainës, raporton BBC.
“Jemi në një pikë kur duhet të dërgojmë sinjale të qarta politike, ne europianët, ndaj Ukrainës dhe popullit të saj kur ajo po reziston heroikisht”, tha Macron një ditë më parë.
Ditën e djeshme, kryeministri i Shqipërisë, Edi Rama dhe ai i Malit të Zi, Dritan Abazoviç vizituan qytetin e Irpinit dhe Kievit, si dhe patën një takim me presidentin ukrainas, Volodimir Zelenski.
Rama dhe Abazoviç shprehën mbështetjen për Ukrainën në lidhje me dhënien e statusit të vendit kanditat në BE dhe deklaruan se së bashku me Maqedoninë e Veriut do të ndërtojnë një bllok banesash për familjet në Irpin.
LEXONI GJITHASHTU
- Rama në Ukrainë: Do të ndërtojmë bllok banesash për familjet në Irpin
- Zelenski: Shqipëria mbështet integrimin e Ukrainës në BE
- ‘Vizita e tyre, mbështetje për Ukrainën’, Zelenski takim me Ramën dhe Abazoviç
