Sekretari i Bashkisë së Vaut të Dejës: Shefi i komisariatit më kërcënoi

Sekretari i Përgjithshëm i Bashkisë së Vaut të Dejës, Mark Zhuri ka denoncuar se është kërcënuar nga Shefi i Komisariatit të Vaut të Dejës, Bardhyl Saliu.

Në një intervistë për Euronews Albania Zhuri u shpreh se në datën 11 tetor, shefi i komisariatit i ka shkuar pranë bashkisë dhe e ka ofenduar.

Sipas tij, konfliktet me Salun kanë lindur, pasi ai ka denoncuar rritjen e kultivimit të kanabisit në zonë.

Zhuri hodhi akuza ndaj Saliut, se territori në bashkinë e Vaut të Dejës është mbushur me kanabis dhe se shefi i komisariatit nuk ka bërë asgjë për ta vënë nën kontroll këtë situatë.

“Në datën 11 rreth orës 12 isha në një takim më kryetarin e bashkisë së Vaut të Dejës. Pasi dola nga takimi me kryetarin përpara bashkisë na kishte bllokuar rrugën shefi i komisariatit, i cili ishte në mjetin e tij. Ai uli xhamin e makinës dhe filloi të na ofendonte. Mua më tha që unë do merrem edhe me shtet dhe me privat, sepse ti tha,  je një ndër autorët e një tenderi në një fshat. Ato janë sajesa, asgjë nuk është vërtetë. Shkëmbyem ofendime me njëri-tjetrin. Më provokoi që ta godisja dhe të arrestohesha. Ky konflikt erdhi pasi ka denoncuar me shkresa, online, qoftë edhe në media për veprimtarinë e tij kriminale. Kam 1 vit që e denoncoj. Me ardhjen e tij pushteti lokal nuk është respektuar dhe nuk ka organizuar asnjë takim për kanabisin. Është shtuar sasia e kanabisit në zonë me mbëshjtetjen e shefit të komisariatit”, u shpreh Zhura.

LEXONI GJITHASHTU:

• Në PS po zhvillohet betejë për jetë a vdekje midis Veliajt dhe Ramës, thotë Berisha
• Akuzat për fjalimin në KiE, Rama: Opozita është zhytur në thesin e parave ruse
• Fjalimi në Strasburg, Berisha: Rama tradhtar, i futi thikën pas shpine Kosovës