Sekretari i Thesarit: SHBA-të do të vendosin sanksione të reja ndaj industrisë së naftës në Iran

Shtetet e Bashkuara kanë njoftuar se do të vendosin sanksione të reja ndaj infrastrukturës së transportit të naftës së Iranit, ndërsa vazhdojnë bllokadën ndaj porteve iraniane.

Departamenti i Thesarit njoftoi të mërkurën se sanksionet do të zbatohen ndaj më shumë se dy një  numri të madh individësh, kompanish dhe anijesh që operojnë brenda rrjetit të transportit të naftës të manjatit iranian Mohammad Hossein Shamkhani.

 “Thesari po vepron në mënyrë agresive në kuadër të ‘Fury Ekonomike’, duke synuar elitat e regjimit si familja Shamkhani, të cilat përpiqen të përfitojnë në kurriz të popullit iranian”, tha Sekretari i Thesarit, Scott Bessent, tha në një deklaratë.

Hossein Shamkhani është djali i Ali Shamkhanit, një figurë kyçe në politikëbërjen e sigurisë dhe programit bërthamor të Iranit, i cili u vra në sulmet amerikano-izraelite ndaj Teheranit më 28 shkurt.

Thesari ka bërë të ditur gjithashtu se një përjashtim 30-ditor nga sanksionet ndaj naftës iraniane, i vendosur muajin e kaluar për të lehtësuar presionin mbi furnizimin global me energji, nuk do të zgjatet më.

Ky përjashtim, i dhënë më 20 mars dhe që skadon më 19 prill, lejoi që rreth 140 milionë fuçi naftë të arrinin në tregjet globale, tha Bessent muajin e kaluar.