Sekuestrohen pasuritë e çiftit shqiptar të kapur me 580 kg kokainë në Greqi     

Prokuroria e Fierit ka sekuestruar pasuritë e çiftit shqiptar që u kapën me mbi 585 kg kokainë në Greqi.

“Nga veprimet  hetimore të kryera në dinamikë në bashkëpunim me oficerët e policisë gjyqësore të shërbimeve të Drejtorisë Vendore të Policisë Fier, shkëmbimit të informacionit me organet e tjera ligjzbatuese, si dhe analizimit e kryqëzimin të të dhënave të administruara, Prokuroria pranë Gjykatës së Shkallës së Parë Fier ka kërkuar në Gjykatë sekuestrimin e pasurive të dyshuara me prejardhje nga veprimtaria kriminale të shtetasve A.X. e L.Xh, si më poshtë:

Pasuri e paluajtshme nr. 24/198, vol. 30, fq. 230,  lloji “truall” me sipërfaqe 300 m2 dhe sipërfaqe ndërtese 110.70 m2, ndodhur në Vlorë;

Shuma monetare 40,000 Euro; dhe

Automjet i markës “Volswagen”, model “Golf”, viti i prodhimit 2010”, bëhet me dije nga prokuroria e Fierit.

Çifti i bashkëshortëve Arjan dhe Lutmira Xhafaj, 50 dhe 42 vjeç, bashkë me 3 shqiptarë të tjerë u arrestuar pak kohë më parë në Selanik teksa transportonin 585 kg e 208 gramë lëndë narkotike kokainë.

LEXONI GJITHASHTU:

• Tiranë/ Kapen kokainë, kanabis dhe armë të ftohta nga komisariati nr. 6
• Selanik, sekuestrohen mbi 585 kg kokainë, arrestohet familja shqiptare