Serbët e jugut pranojnë targat, minoriteti serb: Po trajtohemi me dy standarde

Serbët etnikë që banojnë në Graçanicë, në afërsi të Prishtinës, i kanë pranuar të gjitha rregullat administrative të Kosovës që nga shpallja e pavarësisë dhe njohjeve që pasuan. Në fillim pranuan kartat e identitetit, më pas targat me “RKS”, që tregojnë shtetësinë e Kosovës. Mes serbëve të Graçanicës dominon një ndjesi e përzierë mes dëshpërimit dhe dorëzimit. Ata ndihen pengje të ngërçit politik dhe diplomatik që zgjat prej 2 dekadash.

Shumica e serbëve në Kosovë jetojnë këtu në jug, në jug të lumit Ibër. Në 2020-n, ata regjistruan makinat e tyre me mbishkrimin “Republika e Kosovës”. Reagimi i qeverisë serbe ishte i butë e po ashtu ai i komunitetit ndërkombëtar, sepse fushata elektorale ishte në kulmin e saj…

“Besoj se kjo tregon dobësinë e serbëve të jugut. Ne nuk mund t’i rezistojmë dëshirave të Prishtinës të cilat mund të mos i pëlqejmë për momentin dhe kjo mund t’i tregojë Prishtinës se mund të vazhdojë integrimin ose asimilimin e popullsisë këtu”, thotë një qytetar.

“Nuk ka arsye përse të mos regjistrohen, ata duhet të njohin më parë Kosovën si shtet, pasi ne jemi shtet”, shprehet një tjetër.

Serbët e veriut të Kosovës po luftojnë që të marrin një trajtim ndryshe nga ata që jetojnë në jug dhe Beogradi u ka dhënë mbështetjen e plotë atyre.

LEXONI GJITHASHTU:

• Reagimet pas dështimit të marrëveshjes Kurti-Vuçiç
• Borrell: Kurti dhe Vuçiç u pajtuan për një zgjidhje sot