Serbia do të ndjekë penalisht huliganët që shkaktuan dhunë në marshimin e Europride

Zyra e Prokurorit në Beogradtha se do të bëjë gjithçka që të identifikojë dhe ndjekë penalisht ata që shkaktuan dhunë gjatë marshimit të EuroPride.

Në deklaratë, thuhej se autoritetet e drejtësisë do të punojnë me Ministrinë e Brendshme për të identifikuar dhe ndjekur penalisht përgjegjësit për dhunën, dhe disa prej të tyre u cilësuan si “huliganë”.

Më 13 shtator, ministria e Brendshme serbe njoftoi zyrtarisht se do të ndalonte mbajtjen e javës së Europride.

Arsyeja e ndalesës u tha se ishte për shkak të “rrezikut nga dhuna, shkatërrimit të pronës dhe formave të tjera të prishjes së rendit publik në shkallë të gjerë”.

Por, aktivistët e komunitetit LGBT, marshuan në rrugët e Beogradit, ku morën pjesë 1.000 aktivistë dhe rreth 6.000 policë u dislokuan për të mbajtur rendin.

Gjatë marshimit, policia u përlesh me grupet e djathta, që kishin dalë për të kundërshtuar marshin.

LEXONI GJITHASHTU

• Ekstremistët përplasen dhunshëm me policinë, 60 të arrestuar gjatë Europride Serbi
• Europride në Serbi shkakton kaos, goditet policia
• Serbia e ndaloi, 20 ambasada të vendeve perëndimore mbështetën Europride