Sezoni turistik, fluks automjetesh në rrugët e Gjirokastrës

Përgjatë sezonit të verës në rrugët e brendshme, në qytetin e Gjirokastrës po regjistrohet një fluks i shtuar i trafikut rrugor.

Kthimi i emigrantëve për pushime si dhe ardhja e një numri të lartë turistësh ka rritur ndjeshëm numrin e automjeteve që lëvizën në qytet, rrethinat apo pikat turistike.

Policia Rrugore në bashkëpunim me Policinë Bashkiake kanë shtuar praninë kryesisht në zonën muzeale ku edhe trafiku rrugor është më i rënduar në këto ditë gushti.

Specialistët e Qarkullimit Rrugor apelojnë për respektimin e Kodit Rrugor dhe shmangien e aksidenteve. Ditën e shtunë në rrugën kombëtare Tepelenë- Gjirokastër- Kakavije u regjistruan tre aksidente, në njërin prej të cilëve humbi jetën një bari në fshatin Jorgucat.

LEXONI GJITHASHTU:

• Përplasen 2 automjete në Gjirokastër, 4 të plagosur
• Gjirokastra intrigon italianët, rritet numri i turistëve të huaj