Shabani: Rama në vilën në Surrel, 800 kw i shpenzon në javë

Aktivisti Endrit Shabani thotë se qeveritarët janë të shkëputur nga jeta e qytetarëve.

Në emisionin “Goodmorning Albanians”, Shabani u shpreh se pushtetarët që jetojnë në luks, nuk mund t’u japin këshilla qytetarëve se si të kursejnë energjinë elektrike.

Ai mori si shembull kryeministrin Rama që, siç tha, jeton në një vilë super të madhe në periferi, ku fatura e dritave është dhjetëra herë më e madhe se ajo e një konsumatori të zakonshëm. Sipas Shabanit, në vilën në Surrel, 800 kw Rama i shpenzon në javë.

“Një ministër që jeton në një vilë 5 mln euro nuk mund t’u japë leksione qytetarëve se si të kursejnë. Rama jeton në Surrel, ai ka një faturë që është dhjetëra herë më e lartë se ajo e një konsumatori të zakonshëm; 800 kw i shpenzon për të përdorur lavatriçen për një javë”, tha Shabani.

LEXONI GJITHASHTU:

• Drejtori i KESH: Harxhoj mbi 800 kwh në familje, e kam sfidë edhe vetë kursimin
• ERE kundër qeverisë: Nga nesër çmimet e reja për fashën mbi 800 kwh