“Shaka e sëmurë”, demokratët në SHBA dalin kundër deklaratave të Trump për Gazën

Pasi Trump bëri deklaratat e tij të diskutueshme për Gazën ditën e djeshme, disa demokratë kanë hyrë në mediat sociale për të dënuar komentet e tij.

Shumë e kanë akuzuar presidentin republikan për “promovimin e pastrimit etnik” pasi tha se palestinezët duhet të largohen nga Gaza dhe të vendosen diku tjetër.

“Është e tmerrshme,” u tha gazetarëve Përfaqësuesja Demokratike Alexandria Ocasio-Cortez , duke shtuar: “Është pjesë e kulmit të asaj që unë e shoh si gjenocid ndaj popullit palestinez.”

Përfaqësuesja e Miçiganit, Rashida Tlaib , e cila është palestineze, u bëri thirrje kolegëve të saj demokratë të flasin kundër komenteve.

“Palestinezët nuk po shkojnë askund”, shkroi ajo në një postim në X.

Senatori Chris Murphy nga Connecticut tha se Trump “i ka ikur truri”, ai shtoi se “një pushtim amerikan i Gazës do të çonte në masakrën e mijëra trupave amerikane dhe dekada të luftës në Lindjen e Mesme. Është si një shaka e keqe dhe e sëmurë.”

LEXONI GJITHASHTU:

• Egjipti kundërshton Trump: Gaza duhet të rimëkëmbet pa largimin e palestinezëve
• SHBA do të “marrë” Gazën, analiza e diplomatit: Trump e sheh si zhvillues pronash