Shanse për armëpushim në Gaza, Hamasi dhe Izraeli përafrojnë qëndrimet

Shpresat për një armëpushim të ri në Gaza janë rritur. Një delegacion i Hamasit mbërriti në Kajro të Egjiptit, ku po zhvillohen bisedimet e paqes.

Një zyrtar amerikan ka deklaruar se Izraeli “pak a shumë e ka pranuar” ujdinë. Sipas burimit, pauza 6-javore parashikon lirimin e pengjeve izraelite dhe të burgosurve palestinezë.

Persona të shumtë u arrestuan në Tel Aviv natën mes së shtunës dhe së dielës, në një protestë anti-qeveritare.

Disa qindra demonstrues bllokuan rrugët kryesore për të kërkuar edhe njëherë dorëheqjen e kryeministrit Netanyahu dhe kabinetit të tij, për të rishikuar një marrëveshje eventuale për lirimin e pengjeve në Gaza.

Ndërkohë, Shtetet e Bashkuara raportuan hedhjen e parë të ndihmave në Gaza, duke u bashkua me vende të tjera që tashmë kryejnë fluturime të rregullta. Kryqi i Kuq dhe Gjysmë Hëna e Kuqe mirëpritën lëvizjen, por theksuan se hedhja e ndihmave nga ajri janë opsioni i fundit, pasi nuk përmbushin nevojat.

LEXONI GJITHASHTU:

• Mungesa e spitaleve, mjekët në Gaza ngrenë tenda trajtimi në rrugë
• Biden: SHBA do hedhë ndihma në Gaza nga ajri