SHBA dhe Britania e Madhe miratojnë “Deklaratën Atlantike” për bashkëpunim

Kryeministri i Britanisë së Madhe Rishi Sunak dhe presidenti amerikan Joe Biden miratuan sot “Deklaratën Atlantike” për partneritetin ekonomik të dy vendeve.

Deklarata nënkupton se të dy vendet do të “krijojnë një qasje të re” që do t’i lejojë ata “të lëvizin më shpejt dhe të bashkëpunojnë më thellë”, raporton BBC.

Ai shtoi se një nga qëllimet kryesore të partneritetit është adresimi i dobësive në zinxhirët kritik të furnizimit. Ndër të tjera, Londra dhe Uashingtoni do të mbështesin industrinë e energjisë së pastër, ndërsa deklarata paralajmëroi edhe samitin ndërkombëtar për sigurinë e inteligjencës artificiale (AI), i cili do të mbahet këtë vit në Britaninë e Madhe.

Vendet do të përmirësojnë bashkëpunimin për të ndaluar “kundërshtarët” nga zhvillimi dhe përdorimi i teknologjive që mund t’i dëmtojnë ata dhe do të punojnë për të konsoliduar lidershipin në teknologjitë kryesore të ardhshme – AI, 5G dhe 6G, si dhe në biologjinë inxhinierike.

Në konferencën e përbashkët për shtyp të dy liderëve në Shtëpinë e Bardhë, Sunak tha se SHBA dhe Britania e Madhe do të vazhdojnë ta udhëheqin botën drejt paqes dhe prosperitetit më të madh.