SHBA i jep 500 milionë dollarë USAID, ndihma për Gazën

Departamenti Amerikan i Shtetit ka propozuar një paketë ndihme prej 500 milionë dollarësh për Fondacionin Humanitar për Gazën, përmes Agjencisë Amerikane për Zhvillim Ndërkombëtar. Plani synon të lehtësojë krizën humanitare në Rripin e Gazës, por ka hasur në kundërshtime të forta brenda vetë administratës amerikane për shkak të situatës së paqëndrueshme dhe shqetësimeve për transparencën e shpërndarjes së ndihmave.

Sipas burimeve zyrtare, fondacioni ka filluar shpërndarjen e ndihmave humanitare javën e kaluar, duke përdorur kompani private amerikane për transportin e tyre në terren. Megjithatë, procesi është përballur me sfida serioze, përfshirë dorëheqjen e disa zyrtarëve të lartë nga strukturat drejtuese të Fondacionit për Gazën, çka e detyroi fondacionin të pezullojë përkohësisht operacionet e tij.

Izraeli, nga ana e tij, ka kërkuar që fondet të përdoren ekskluzivisht për të mbështetur operacionet e GHF-së për një periudhë 180-ditore, duke synuar kontroll më të madh mbi mënyrën e shpërndarjes së ndihmës.

Ndërkohë, situata në terren mbetet dramatike. Zyrtarët e spitaleve në Gaza raportojnë se mbi 80 persona janë vrarë dhe qindra të tjerë janë plagosur gjatë javës së fundit, duke e shtuar urgjencën për ndihmë të menjëhershme humanitare dhe për menaxhim efektiv të fondeve të alokuara.

LEXONI GJITHASHTU:

• Vrasjet gjatë ndihmave në Gaza, rritet numri i viktimave dhe i të plagosurve
• Luftoi kundër trupave amerikane me ISIS-in, gjykata në SHBA dënon shqiptarin