SHBA në OKB: Rusia dhe Kina mbrojnë Korenë e Veriut në Këshillin e Sigurimit 

SHBA akuzoi sot Rusinë dhe Kinën për mbrojtjen e Koresë së Veriut nga veprimet e mëtejshme të Këshillit të Sigurimit të Kombeve të Bashkuara dhe thanë se ata po punojnë jashtëzakonisht shumë për të justifikuar lëshimet e raketave balistike të Phenianit.

Shqipëria, SHBA-ja, Britania, Franca, Irlanda dhe Norvegjia kërkuan një takim të Këshillit të Sigurimit të OKB-së pasi Pheniani gjuajti disa raketa, duke përfshirë një raketë balistike ndërkontinentale, raportoi Reuters.

Rusia dhe Kina nuk ka gjasa të bien dakord për ndonjë veprim të Këshillit për lëshimin e fundit të raketës nga Koreja e Veriut, thonë diplomatët.

“Këshilli duhet të luajë një rol konstruktiv dhe jo gjithmonë të theksojë presionin,” tha ambasadori kinez në OKB Zhang Jun.

Sekretari i Përgjithshëm i OKB-së Antonio Guterres dënoi lëshimet e fundit të raketave nga Koreja e Veriut dhe i bëri thirrje Phenianit që të heqë dorë menjëherë nga ndërmarrja e veprimeve të mëtejshme provokuese.

LEXONI GJITHASHTU:

• Tensionet e krijuara nga Koreja e Veriut, vjen reagimi i SHBA-së
• OKB-ja zgjat mandatin e EUFOR-it në Bosnje