“SHBA nuk do ta durojë shumë gjatë” – Trump vazhdon kritikat ndaj Zelenskyt

Presidenti amerikan Donald Trump tha se SHBA “nuk do të durojë” rezistencën e presidentit Volodymyr Zelensky për t’i dhënë fund luftës me Rusinë, duke e bërë të qartë se armiqësia e tij ndaj liderit ukrainas mbetet e njëjtë pas debatit të tensionuat në Zyrën Ovale të premten.

“Kjo është deklarata më e keqe që mund të ishte bërë nga Zelensky dhe Amerika nuk do ta durojë atë për shumë kohë!” shkroi Trump në rrjetin social Truth, duke cituar një titull të AP që citonte Zelensky gjatë fundjavës duke thënë se fundi i luftës është “ende shumë, shumë larg”.

“Është ajo që po thosha, ky djalë nuk do që të ketë paqe për sa kohë që ai ka mbështetjen e Amerikës dhe, Evropa, në takimin që patën me Zelenskyy, deklaroi prerazi se nuk mund ta bëjnë punën pa SHBA-në – ndoshta nuk është një deklaratë e mrekullueshme për sa i përket shfaqjes së forcës kundër Rusisë. Çfarë po mendojnë?” vazhdoi Trump.

Zyrtarët amerikanë kanë vijuar kritikat e tyre të ashpra ndaj Zelensky tre ditë pas “shpërthimit” në Zyrën Ovale. Këshilltari për sigurinë kombëtare, Mike Waltz, tha më herët të hënën se Zelensky duhej të shprehte keqardhje përpara se të rifillonin bisedimet për një marrëveshje për mineralet e rralla.

LEXONI GJITHASHTU:

• Zelensky: Fundi i luftës me Rusinë është shumë, shumë larg
• Zëdhënësi i Kremlinit: Regjimi i Kievit dhe i Zelenskyt nuk dëshiron paqe!