SHBA paralajmëron pasoja për Kinën nëse ofron mbështetje për Rusinë

Sekretari amerikan i Shtetit, Antony Blinken paralajmëroi për pasojat nëse Kina ofron mbështetje për pushtimin rus të Ukrainës.

Blinken u shpreh se Uashingtoni ishte i shqetësuar se Pekini po shqyrtonte furnizimin me armë në Moskë, shkruan Al Jazeera.

Ai u takua me kryediplomatin kinez, Wang Yi në konferencën globale të sigurisë në Mynih, vetëm disa orë pasi Wang e cilësoi reagimin e Uashingtonit si histerik lidhur me reagimin për balonën e rrëzuar në SHBA.

Marrëdhëniet mes dy vendeve kanë qenë të tensionuara që kur Uashingtoni rrëzoi balonën e dyshuar spiune kineze.

Blinken tha se SHBA ishin shumë të shqetësuara që Kina po shqyrton ofrimin e mbështetjes për Rusinë dhe se ai ia bëri të qartë Wang se “do të kishte pasoja të rënda në marrëdhënien tonë”.

“Ka lloje të ndryshme ndihme vdekjeprurëse që ata të paktën po mendojnë t’i ofrojnë, për të përfshirë armë,” theksoi ai.

LEXONI GJITHASHTU

• Biden do të vizitojë Poloninë në prag të 1-vjetorit të luftës Rusi-Ukrainë
• Emmanuel Macron: Dua fitoren e Ukrainës, por jo shkatërrimin e Rusisë
• SHBA ‘akuzon zyrtarisht’ Rusinë se ka kryer krime kundër njerëzimit në Ukrainë