SHBA rifillon fluturimet në aeroportin e El Pasos në Teksas pas një ndërprerjeje të shkurtër sigurie

Administrata Federale e Aviacionit të SHBA-së lejoi të mërkurën rifillimin e fluturimeve në Aeroportin Ndërkombëtar të El Pasos në Teksas. Fluturimet rifilluan pas një ndalimi të papritur për shkak të asaj që ata e quajtën një ndërhyrje me dronë nga një kartel droge.

Zyrtarët kishin paralajmëruar më parë se fluturimet brenda dhe jashtë aeroportit mund të anuloheshin për 10 ditë, në atë që dukej të ishte një veprim i paprecedentë për një aeroport të vetëm.

Aeroporti i El Pasos tha se kufizimet u vendosën me njoftim “të minutës së fundit” dhe se po priste udhëzime të mëtejshme nga FAA. Sipas njoftimit, kufizimet do të ishin në fuqi deri më 21 shkurt dhe do të mbulonte një rreze prej rreth 10 miljesh detare nga aeroporti, duke mos përfshirë hapësirën ajrore meksikane.