SHBA vendos sanksione ndaj 4 gjyqtarëve të Gjykatës Ndërkombëtare Penale

Shtetet e Bashkuara kanë vendosur sanksione ndaj katër gjyqtarëve të Gjykatës Ndërkombëtare Penale (GJNP), duke i akuzuar ata për veprime të paligjshme që synojnë SHBA-në dhe aleatin e saj të ngushtë, Izraelin.

Sekretari i Shtetit, Marco Rubio, njoftoi të enjten vendosjen e sanksioneve kundër Solomy Balungi Bossa nga Uganda, Luz del Carmen Ibáñez Carranza nga Peruja, Reine Adelaide Sophie Alapini-Gansou nga Benini dhe Beti Hohler nga Sllovenia.

Këto masa u morën pas urdhër-arresteve të lëshuara nga Gjykata Ndërkombëtare Penale për kryeministrin izraelit Benjamin Netanyahu dhe ish-ministrin e mbrojtjes Yoav Gallant, të cilët akuzohen për mbikëqyrjen e ofensivës izraelite në Gaza, një operacion që solli viktima civile dhe krime lufte sipas GJNP-së.

Dy nga gjyqtarët e sanksionuar autoruan urdhër-arrestet për Netanyahu dhe Gallant, ndërsa dy të tjerët autorizuan hetimin e Gjykatës për abuzimet e personelit amerikan në Afganistan.

“Si gjyqtarë të GJNP-së, këta individë janë përfshirë në veprime të paligjshme dhe të pabaza që synojnë Amerikën dhe Izraelin,” tha Rubio, duke shtuar se Gjykata Ndërkombëtare Penale është politizuar dhe abuzon me pushtetin e saj duke shkelur sovranitetin dhe sigurinë kombëtare të SHBA-së dhe aleatëve.

LEXONI GJITHASHTU:

• Media serbe ndan pamje nga skemat e Silvinjos: Spiunuam shqiptarët në mes të Tiranës
• Nga miqësia në armiqësi, si u kris marrëdhënia Trump-Musk