English

SHBA vendos veton kundër mocionit për anëtarësimin e Palestinës në OKB

KOMENTE

SHPERNDAJE
ARTIKULLIN

Text sizeAa Aa

SHBA ka bllokuar një ofertë palestineze për t’u njohur si një shtet anëtar me të drejta të plota në Kombet e Bashkuara (OKB).

- Advertisement -

Sipas mediave të huaja, 12 nga 15 anëtarët e Këshillit të Sigurimit të OKB ishin pro, Britania dhe Zvicra abstenuan, por Amerika vuri veton ndaj mocionit.

SHBA tha se ende mbështeste fuqishëm një zgjidhje me dy shtete, por sipas saj “ajo do të vijë vetëm nga negociatat e drejtpërdrejta midis palëve”.

Presidenti palestinez Mahmoud Abbas e quajti veton e SHBA “të padrejtë, joetike dhe të pajustifikuar”.

Nga ana tjetër, ministri i Jashtëm i Izraelit, Israel Katz, vlerësoi SHBA-në për bllokimin e masës.

Projekt-rezoluta i kishte rekomanduar Asamblesë së Përgjithshme prej 193 anëtarësh që “Shteti i Palestinës të pranohej në anëtarësim”.

I dërguari i Amerikës në OKB, Robert Wood, përmendi kontrollin e vazhdueshëm të Hamasit mbi Gazën si një faktor kyç në bllokimin e mocionit.

Grupi është cilësuar një grup terrorist nga shumë qeveri, duke përfshirë SHBA-në dhe Britaninë e Madhe.

Autoriteti Palestinez, me qendër në Bregun Perëndimor, është aktualisht një shtet vëzhgues jo-anëtar në OKB – një pozicion i dhënë në vitin 2012.

Oferta e saj për anëtarësim të plotë duhet të miratohet nga Këshilli i Sigurimit dhe të paktën dy të tretat e Asamblesë së Përgjithshme.

Palestinezët duan një shtet në Bregun Perëndimor, Jerusalemin Lindor dhe Rripin e Gazës, i gjithë territori i pushtuar nga Izraeli në 1967.

OKB-ja ka mbrojtur prej kohësh një plan që do të shihte një shtet palestinez me kufij të sigurt dhe të dakordësuar të krijuar pranë Izraelit.

Shumë e shohin atë si shansin më të mirë për t’i dhënë fund dekadave të dhunës që i paraprinë luftës aktuale Izrael-Hamas.

Megjithatë, eksponentë të vijës së ashpër në qeverinë e krahut të djathtë të Izraelit e hedhin poshtë idenë e një shteti palestinez.

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?