Shefi i Gardës Revolucionare të Iranit paralajmëron për “pasoja” pas sulmit izraelit

Teherani ka paralajmëruar se Izraeli mund të përballet me pasojat e sulmeve të fundit në qendrat ushtarake iraniane, ndërsa lideri suprem i Iranit ka shprehur kujdes në vazhdimin e përplasjeve mes dy armiqve rajonalë.

Hossein Salami, komandant i përgjithshëm i Gardës Revolucionare Islamike, deklaroi më 28 tetor se Izraeli do të përballet me “pasoja të hidhura” për sulmet ajrore të kryera në territorin iranian.

Ndërkohë, zëdhënësi i Ministrisë së Jashtme të Iranit, Esmaeil Baghaei, theksoi se Teherani do të përdorë të gjitha mjetet në dispozicion për t’iu përgjigjur sulmit izraelit.

Izraeli, në anën tjetër, ka raportuar se ka kryer me sukses sulme hakmarrëse “precize” ndaj qendrave ushtarake iraniane, pas sulmeve iraniane ndaj tij më 1 tetor dhe vrasjes së një komandanti të Gardës Revolucionare.

Këto sulme kanë rritur shqetësimet për një përshkallëzim të mundshëm të konfliktit dhe një luftë të madhe mes dy fuqive rajonale.

Megjithatë, ekspertët sugjerojnë se këto veprime mund t’i ofrojnë të dyja palëve një mundësi për të shmangur një përplasje të gjerë.

LEXONI GJITHASHTU:

• Netanyahu akuza për Iranin, Khamenei: Dëmi nuk duhet të ekzagjerohet
• Netanyahu akuza për Iranin, Khamenei: Dëmi nuk duhet të ekzagjerohet