Shefi i politikave të Pentagonit: Anëtarët evropianë të NATO-s të rrisin aftësitë luftarake

Shefi i politikave të Pentagonit, Elbridge Colby ka deklaruar se u ka thënë ministrave të mbrojtjes të NATO-s në Bruksel se ata duhet të rrisin aftësitë e tyre luftarake dhe të marrin rolin udhëheqës në mbrojtjen e kontinentit të tyre nga kërcënimi rus.

Colby mësohet se gjithashtu kërkoi të rivendoste marrëdhëniet pas tensioneve për Groenlandën, të cilin Donald Trump e kishte kërkuar nga Danimarka.

“Kjo do të thotë t’i japësh përparësi efektivitetit të luftimit mbi stagnimin burokratik dhe rregullator. Do të thotë të bësh zgjedhje të vështira në lidhje me strukturën e forcës, gatishmërinë, rezervat dhe kapacitetin industrial që pasqyrojnë realitetet e konfliktit modern në vend të politikës së paqes”, tha Colby.

Komentet e Colby-t u bënë pas takimi me dyer të mbyllura me 31 anëtarë të tjerë të NATO-s në Bruksel. Aleatët e Ukrainës zotuan 35 miliardë dollarë ndihmë ushtarake këtë vit pas takimit të ministrave të mbrojtjes së NATO-s, sipas sekretarit të mbrojtjes të Mbretërisë së Bashkuar, John Healey.

Premtimet u bënë në një takim të grupit të kontaktit për Ukrainën, një grup prej 50 vendesh, i cili u zhvillua pasditen pas sesionit të NATO-s.