Shembet ura në fshatin Rragam në Shkodër, 400 banorë të bllokuar

Ura që lidh fshatin Rragam me rrugën kryesore të njësisë administrative Gur i Zi në Shkodër, prej dy ditësh është shembur.

Kjo gjë ka sjellë vështirësi në kalimin e automjeteve dhe në lëvizjen e banorëve.

“Para dy netësh ka qenë vëllai duke kaluar me makinë, fati që ka qenë duke ecur ngadalë , ka parë urën e shembur. Kemi njoftuar këto të hidrocentralit që është e lidhur diga, institucion i rëndësisë së veçant.

Jemi të gjithë këta këtu që nuk kemi asnjë mjet për të dalë. Unë kam një autobus që mbaj fëmijët, arsimtarët dhe fëmijët është i bllokuar komplet , kanë shkuar me makina të veta”, thotë një banor.

Të bllokuar kanë mbetur edhe 4 turistë gjermanë, të cilët po vizitonin zonën turistike të Sardës. Ndryshe nga banorët, ata kërkuan zgjidhje tek ambasada gjermane në Shqipëri.

Kjo është e vetmja urë që lidh rrugën kryesore me zonën. Rreth 400 banorë janë në pritje të një zgjidhjeje.

LEXONI GJITHASHTU

• Evropa në alarm, euro-deputetët: Të forcohet siguria e infrastrukturës energjetike
• Ukraina pa elektricitet, rusët dëmtojnë infrastrukturën energjetike, mungon edhe uji
• Nis ndërtimi i urës së Krimesë, përfundon në korrik të 2023