Sherr me thika mes të rinjve, plagosen 3 persona, 1 në gjendje të rëndë

Një sherr ka ndodhur mes disa të rinjve në Shkodër, pranë poliklinikës së qytetit. Gazetari i Euronews Albania bën me dije se si pasojë e sherrit janë plagosur 3 persona, njëri prej tyre në gjendje të rëndë.

Adoleshentët të cilët janë konfliktuar kanë qenë në ambientet e një lokali, ku zënka për motive të dobëta përfundoi në përdorimin e thikës.

Të plagosurit janë transportuar në spitalin e qytetit ku po marrin kujdesin e nevojshëm mjekësor, ndërkohë që është shpallur në kërkim autori.

Gjithashtu, grupi hetimor vijon punën për sqarimin e plotë të rrethanave të kësaj ngjarjej

“Rreth orës 12:30, në lagjen “Qemal Stafa”, në rrethana ende të paqarta, shtetasi A. H., rreth 18 vjeç ka dëmtuar me mjet prerës 3 bashkëmoshatarë të tij të cilët po marrin asistencën mjekësore në spital.

Shërbimet e Policisë janë vënë të ndjekje të autorit dhe po ushtrojnë kontrolle në zonë, me qëllim kapjen e tij”, thuhet në njoftimin e policisë.

LEXONI GJITHASHTU: 

• Shitën Audin luksoz të marrë me qira, arrestohen 2 persona në Tiranë
• Apeli i GJKKO shpall vendimin për Moisi Habilajn
• Me automatik dhe municion luftarak, arrestohet në flagrancë 64-vjeçari