Shfaqjet gjatë një viti pandemie në Kosovë, ndahen çmimet për teatrin

Ministria e Kulturës në Kosovë, ndau çmimet vjetore për teatrin.

Kjo ceremoni qe mbahet çdo vit, vlerëson me çmime për shfaqjen më të mirë, regjinë më të mire, aktorin/aktoren më të mirë, përfaqësimi më i mirë jashtë vendit dhe çmimi për vepër jetësore.

Aktori, Adrian Morina tha për Euronews Albania se i vlerëson pozitivisht të gjitha çmimet e shpërndara nga ministria e Kulturës duke theksuar se ky shpërblim do i motivojë aktorët pavarësisht vitit të vështirë që kaluan.

“Ne kemi qenë me fat për shkak se që prej muajit tetor ne kemi luajtur me një kapacitet të kufizuar, mbase 20-30%, por kemi qenë me fat nëse krahasohemi me shumë vende, përfshi këtu edhe Shqipërinë e cila edhe më tej e mbajti të bllokuar skenën e teatrit,” – u shpreh aktori.

LEXONI GJITHASHTU: 

• Veprat e Mid’hat Frashërit, ekspozohet biblioteka personale e rilindasit në Ditën Botërore të Librit
• Për herë të parë ekspozohen në Muzeun Kombëtar punimet e ikonografit Diço Zografi
• Poezia kërkon këngën, Skënder Sherifi sjell librin e fundit “Love Songs”