“Shi dhe reshje dëbore!” Lajda Porja: Ja si mbyllet fundi i shkurtit

Meteorologia Lajda Porja tha këtë të hënë në Euronews Albania se ditët e fundit të shkurtit pritet të jenë me mot të paqëndrueshëm. Ajo tha se parashikohet që të kemi vranësirë dhe rreshje shiu në pjesën e dytë të ditës.

“Kjo java e fundit e shkurtit do të jetë e paqëndrueshme. Vranësirat kanë qenë prezente që ditën e diele dhe mëngjesin e sotëm kanë filluar pikat e para të shiut. Pjesa e dytë e ditës do ketë reshje shiu, të cilat do të jenë më prezente në jug të vendit, ku nuk do të mungojnë rrebeshe të izoluara.

Zona të thella malore do kenë reshje në formën e borës, për shkak se tashmë mëngjeset kanë filluar të ngrohen. Reshjet gjithashtu do të jenë prezente edhe të mërkurën, ndërsa të enjten pritet të kemi një ndërprerje të tyre. Ndërkohë e premtja dhe fundjava do të jenë sërish me shi”,-tha Porja.

LEXONI GJITHASHTU:

• Moti i acartë përfshin në SHBA, 10 viktima në fundjavë
• Rikthehet acari dhe reshjet – Parashikimi i motit për fundjavën