Shifra shqetësuese në Kosovë, 11 të vdekur gjatë 24 orëve të fundit nga coronavirus

Gjatë 24 orëve të fundit në Kosovë janë kryer 1930 teste të dyshuara për Covid-19, ndërsa 855 prej tyre kanë rezultuar pozitivë.

Lajmi konfirmohet nga Instituti i Shëndetit Publik, i cili raporton se pavarësisht përpjekjeve të mjekëve, 11 pacientë të prekur me coronavirus kanë humbur jetën. Kështu, në Kosovë që nga fillimi i pandemisë janë regjistruar 885 humbje jete nga Covid-19.

“Numri total i rasteve pozitive është 32.877 raste nga 127.722 persona të dyshimtë në virusin SARS-CoV-2 dhe 885 raste të vdekjes.   Gjatë 24 orëve të fundit, janë shëruar 748 pacientë derisa numri i përgjithshëm i të shëruarve deri më sot është gjithsej 19.772 raste, kurse numri i rasteve aktive është 12.220”, raporton IKSHPK-ja.

Rastet pozitive në Kosovë:

Komuna Prishtinë 298 raste, Mitrovicë 62 raste, Gjilan 60 raste, Vushtrri 50 raste, Fushë-Kosovë 45 raste, Ferizaj 44 raste, Podujevë 37 raste, Prizren 36 raste, Lipjan 34 raste, Gjakovë 25 raste, Pejë 18 raste, Suharekë 17 raste, Drenas 15 raste, Viti 15 raste, Skenderaj 12 raste, Malishevë 11 raste, Kamenicë 10 raste, Klinë 10 raste, Shtime 10 raste, Deçan 8 raste, Rahovec 8 raste, Istog 7 raste, Obiliq 7 raste, Kaçanik 4 raste, Dragash 3 raste, Mamushë 3 raste, Kllokot 2 raste, Novobërdë 2 raste dhe me nga 1 rast komunat Graçanicë dhe Zveçan.

Ministria e Shëndetësisë, por edhe specialistët e shëndetit u bëjnë apel qytetarëve të tregohen të kujdesshëm, të ruajnë distancën si dhe të respektojnë masat anticovid.