Shisnin lëndë narkotike, arrestohen 2 persona. Procedohet gruaja e njërit prej tyre

Dy persona njëri 66 vjeç dhe tjetri 36 të cilët shisnin lëndë narkotike janë arrestuar në Tiranë.

Sipas njoftimit të policisë gjatë kontrolleve atyre u janë sekuestruar doza kokaine, 28 700 euro dhe 600 000 lekë, të dyshuara të përfituara nga shitja e lëndës narkotike.

Gjithashtu është proceduar penalisht bashkëshortja e njërit prej tyre, për veprime që pengojnë zbulimin e së vërtetës.

Njoftimi i policisë:

-Shërbimet e Komisariatit të Policisë Nr. 1 kapë kapur në Shkozë dhe kanë arrestuar në flagrancë shtetasin F. B., 66 vjeç, banues në Tiranë. Gjatë kontrollit fizik dhe kontrollit në banesën e tij, shërbimet e Policisë kanë gjetur një sasi lënde të dyshuar narkotike kokainë, të ndarë në doza, gati për shitje, 8000 euro dhe 600 000 lekë të rinj, të dyshuara të përfituara nga shitja e lëndës narkotike.

Në vijim të veprimeve për këtë rast u referuan materialet në Prokurori ku nisi procedimi në gjendje të lirë për bashkëshorten e 66-vjeçarit, shtetasen Sh. B., pasi sapo ka parë shërbimet e Policisë që kishin shkuar për kontroll, ka hedhur nga ballkoni i banesës, disa doza lënde të dyshuar narkotike kokainë.

-Shërbimet e Komisariatit të Policisë Nr. 2 kanë kapur dhe arrestuar shtetasin R. D., 36 vjeç, banues në Malësi të Madhe, pasi gjatë kontrollit fizik në rrugën “Studenti” shërbimet e Policisë i gjetën dhe sekuestruan doza të lëndës së dyshuar narkotike kokainë dhe 20 700 euro që dyshohet se janë përfituar nga shitja e lëndës narkotike.

Materialet procedurale i kaluan Prokurorisë, për veprime të mëtejshme.

LEXONI GJITHASHTU:

• “Beteja e Erionit është e tij”/ Rama përgënjeshtron lajmin se do e takonte në Durrës
• Ish-CEO i Google: Terroristët mund të përdorin inteligjencën artificiale