Shkelja e hapësirës ajrore, BE mur kundër depërtimit të dronëve dhe avionëve rusë

Komisioni Evropian ka riafirmuar synimin për të ndërtuar një sistem mbrojtës nga dronët në krahun lindor të bllokut, për t’i bërë kontrast përpjekjeve të Rusisë për të shkelur hapësirën e përbashkët ajrore dhe për t’iu përgjigjur me shpejtësi inkursioneve të tilla.

Në më pak se një muaj, avionët rusë kanë shkelur hapësirën ajrore të tre vendeve anëtare, Polonisë, Rumanisë dhe Estonisë, duke alarmuar kontinentin e vjetër.

Përballë këtyre episodeve, ditën e martë Komisioni bëri thirrje për një mur dronësh, një nismë e publikuar më herët nga presidentja Von der Leyen në fjalimin e State of the EU.

“Atyre që e vinin ende në dyshim nevojën për një mur të tillë në BE iu paraqes një tjetër shembull se sa i rëndësishëm është ai”, deklaroi zëdhënësi për politikat e mbrojtjes, Thomas Regnier.

Ai u shtoi rasteve të përmendura edhe ato të Danimarkës dhe Norvegjisë, ku dronë të dyshuar rusë çoroditën fluturimet në aeroportet kryesore të dy vendeve.

Projekti do të bëjë bashkë 7 vende anëtare të krahut lindor, që janë: Estonia, Letonia, Lituania, Finlanda, Polonia, Rumania dhe Bullgaria, plus Ukrainën.

Ndërkohë, po të martën, NATO paralajmëroi Moskën duke thënë se do të përdorë të gjitha mjetet për t’u mbrojtur nga shkeljet e hapësirës ajrore, pas depërtimit më herët gjatë muajit të avionëve luftarakë rusë në Poloni dhe Estoni.

LEXONI GJITHASHTU:

• Trump në OKB: Evropa duhet të ndalojë blerjen e naftës ruse
• Polonia kërcënon Moskën nga OKB, Sikorski: Do të godasim çdo avion ose raketë ruse