“Shkodra feston për herë të parë 29 Nëntorin”, gazetari: Atmosferë e vakët në qytet

Ndërsa në çdo qytet kanë nisur përgatitjet për festën e 111-vjetorit të pavarësisë, Shkodra do të festojë për herë të parë që prej rënies së diktaturës edhe festën e çlirimit.

Korrespondenti i Euronews Albania, Teodor Gjerga tha se megjithëse atmosfera për këto festa duket e vakët në qytetin e Shkodrës, Bashkia ka përgatitur disa ceremoni për këto raste.

“Është parashikuar që në datë 28 Nëntor të jetë ceremonia e ngritjes së flamurit në sheshin e bashkisë së Shkodër e më pas të gjithë do i bashkohen paradës së madhe në Tiranë.

E vetmja risi e këtij viti është fakti që për herë të parë  që pas rënies së diktaturës, është fakti që për herë të parë në axhendën e Bashkisë së Shkodrës është edhe data 29 nëntor.

Pavarësisht se nuk ka banderola të vendosura në qytetin e Shkodrës, për herë të parë do bëhet ceremonia në varreza”,-tha korrespondenti Teodor Gjerga.

LEXONI GJITHASHTU:

• Parapërgatitjet për koncertin e 28 Nëntorit, Bejleri: Do të jenë 500 artistë
• Integrimi i arbëreshëve në Shqipëri, Peta: Kërkojmë një linjë direkte me Tiranën