Shkodra vatër e COVID-19, Besfort Lamallari: Po bashkëpunojmë me të gjitha institucionet, situata drejt normalizimit

Në një lidhje live me Ilva Now, Besfort Lamallari, zv/ministër i Brendshëm dhe prej disa ditësh prefekt i komanduar i qarkut të Shkodrës, zbuloi disa nga masat e marrë në bashkëpunim me bashkinë e kryeqendrës së Veriut dhe institucionet e tjera, për të normalizuar situatën e krijuar për shkak të COVID-19 në këtë qark.

“Janë marrë disa vendime që i kemi monitoruar edhe në terren përmes policisë së shtetit, asaj bashkiake dhe AKU për të parë si po zbatohen masat e sigurisë në tregje”, tha z. Lamallari.

Ai theksoi se ka bashkëpunim shumë të mirë me kryebashkiaken Voltana Ademi, të cilën siç tha e kishte takuar që në fillim të komandimit të tij në këtë qark e më pas kishin vijuar bashkërisht me masat konkrete për lirimin e tregjeve dhe rrugëve.

Z. Lamallari theksoi faktin se ditët e fundit, vihet re një ndërgjegjësim i qytetarëve për të kufizuar lëvizjet dhe kjo sipas tij duket në shtimin e kërkesave në polici dhe e-Albania, ndërsa shtoi se në këtë pikë një rol të rëndësishëm ka shoqëria civile.

“Ajo çfarë është e rëndësishme të kuptohet është se policia nuk është për të vënë gjoba, kemi nisur me këshillime, udhëzuar se si mund t’i drejtohen policisë për të marrë udhëzim, ose në e-Albania, ditët e fundit janë rritur kërkesat. Kemi parë edhe organizime të shoqërisë civile. Duhet të bëhet një ndërthurje e ndihmës në mënyrë që qytetarët të kuptojnë se këto masa janë për shëndetin e tyre”, tha ai.

Ajo i cilësoi paketa ekonomike të qeverisë jo transparente, të pamjaftueshme, madje paketa e dytë, sipas ish deputetes demokrate, ëshët e dyshimtë dhe e rrezikshme.