Shkoi të takonte të afërmin në burgun e Durrësit, policia i gjen drogë në trup

Policia ka goditur një tentativë për futjen e lëndës narkotike në burgun e Durrësit. Përmes një njoftimi për mediat bëhet me dije se rreth orës 12:50, në ambientet e IEVP Durrës, gjatë kontrollit fizik të ushtruar ndaj familjarëve, u evidentua një rast i tentativës për futjen e sendeve të ndaluara në institucion.

Nga kontrolli fizik i shtetasit me iniciale E.V., i cili kishte ardhur për takim me familjarin e tij, te paraburgosurin me iniciale E.V , u konstatuan dhe u sekuestruan 2 (dy) qese të vogla, të mbështjella me natriban, që dyshohet se përmbajnë lëndë narkotike, të fshehura në trup.

Menjëherë pas konstatimit u bë bllokimi i sendeve të ndaluara, u hartuan procesverbalet përkatëse, u njoftua Shërbimi i Kontrollit të Brendshëm të Burgjeve, për vijimin e veprimeve procedurale”, bëhet me dije në një njoftim të Drejtorisë së Burgjeve.