Shkon në 48 numri i të vdekurve nga tërmeti në Japoni, bilanci pritet të rritet

Numri i të vdekurve nga tërmeti në Japoni është rritur në 48, ka konfirmuar shtabi i fatkeqësive të Ishikawa.

Numri mund të rritet më tej ndërsa përpjekjet e shpëtimit vazhdojnë, thonë zyrtarët.

Tërmeti 7,6 ballë i shkallës Rihter që goditi Japoninë një ditë më parë dëmtoi 1,000 shtëpi në qytetin bregdetar të Suzu, ndërsa kryebashkiaku Masuhiro Izumiya i përshkroi pasojat si “katastrofike”, sipas një raporti të Reuters.

Suzu, me vetëm 5000 familje, ndodhet pranë epiqendrës së tërmetit të Vitit të Ri.

Tërmeti dëmtoi gjithashtu një tempull dhe disa nga varret e qytetit, raporton transmetuesi japonez NHK.

LEXONI GJITHASHTU:

• Tërmeti në Japoni e zhvendosi tokën me 1.3 metra
• VIDEO| Pamje dramatike, momenti kur tërmeti i fuqishëm godet Japoninë