Shkrimtari i njohur 71-vjeçar – Kush është atentatori i kryeministrit sllovak

Kryeministri i Sllovakisë është në një gjendje të rrezikshme për jetën pasi u qëllua disa herë me armë zjarri në një atentat.

Robert Fico është transportuar me helikopter në spital dhe në vendngjarje u ndalua një i dyshuar i raportuar 71 vjeç.

Të shtënat ndodhën në qytetin Handlova, rreth 136 km nga kryeqyteti Bratislava, pas një takimi në një qendër kulturore.

Sulmuesi i kryeministrit sllovak Fico është identifikuar si shkrimtari 71-vjeçar Juraj Cintula. Autori është një mbështetës i partisë opozitare Sllovakia Progresive. Juraj Cintula ka qenë kritik i hapur ndaj kryeministrit Fico.

Sipas raportimeve, Tsintula ka bërtitur në drejtim të Fico-s teksa ky i fundit po fliste me mbështetësit e tij dhe kur i është afruar për t’i dhënë dorën, ka hapur zjarr.

71-vjeçari është një nga themeluesit e klubit letrar DÚHA, i hapur në vitin 2005. Deri në vitin 2016 ka qenë president i klubit dhe ka shkruar tre përmbledhje me poezi. Që nga viti 2015 është anëtar i Shoqatës së Shkrimtarëve sllovakë. Sipas informacioneve, në vitin 2016 ai punonte si shofer në një qendër tregtare në Levice, qytetin që është vendlindja e tij.

LEXONI GJITHASHTU:

• U qëllua me 4 plumba, kryeministri i Sllovakisë në gjendje të rëndë për jetën
• Qeveria sllovake konfirmon atentatin ndaj kryeministrit, u qëllua me 4 plumba