Sholc i bën thirrje Putinit që t’i japë fund luftës në Ukrainë

Kancelari gjerman Olaf Sholc i ka bërë thirrje presidentit rus, Vladimir Putin që t’i japë fund luftës në Ukrainë.

Duke folur në një konferencë për shtyp me kryeministrin indian Narendra Modi në Berlin, Sholc tha se është e rëndësishme për të patur një të ardhme të mirë së bashku dhe jo të zhvillohen luftëra.

Sholc u shpreh se Putin duhet të tërheqë trupat ruse nga Ukraina, pasi sipas tij, kufijtë nuk mund të ndryshohen me dhunë, shkruan CNN.

Pak ditë më parë, presidenti i Ukrainës, Volodimir Zelenski është shprehur i gatshëm për të zhvilluar bisedime me homologun rus, Vladimir Putin.

Zelenski u shpreh se është ende gati për bisedime, pavarësisht masakrave ruse në Buça, Mariupol apo në qytetet e tjera ukrainase.

LEXONI GJITHASHTU

• SHBA-të kundër pjesëmarrjes së Putin në samitin e G20

• Zelenski: I gatshëm për bisedime me Putin, pavarësisht masakrave në Ukrainë