Sholz: S’ka garanci se Rusia nuk do të sulmoje vende të tjera

Kancelari gjerman Olaf Sholc deklaroi se askush nuk mund të marrë si të mirëqenë se Rusia nuk do të sulmojë vende të tjera.

Deklaratën e tij, Sholc e bëri teksa priti kryeministret e Finlandës dhe Suedisë, që kanë shprehur ambiciet për t’u anëtarësuar në NATO.

“Ishte e qartë për të gjithë ne se kufijtë nuk do të ndryshonin me anë të forcës dhe se sovraniteti duhej respektuar. Rusia e shkeli këtë ligj, ndaj dhe askush nuk mund të pranojë si të vërtetë se presidenti dhe qeveria ruse nuk do ta shkelin këtë ligj me dhunë në vende të tjera”, tha Sholc.

Gjatë takimit me kryeministren e Suedisë, Magdalena Andersson dhe kryeministren e Finlandës, Sanna Marin, u diskutua për situatën e sigurisë në Evropë.

Në një intervistës për revistës ‘Stern’, Sholc tha se politikat e Putinit janë imperaliste dhe i cilëson vendet fqinje si oborrin e Rusisë.

“Ai kërkon të zgjerojë territorin dhe ndryshojë kufijtë me dhunë. Dëshpërimisht po kërkon të ri themelojë Rusinë e vjetër të lavdishme në një botë që ka ndryshuar”, tha kancelari gjerman.

Sipas Sholc qëllimi i presidentit rus është që të marrë pjesë të Ukrainës lindore dhe jugore që sipas tij është e papranueshme.

Që prej kohës kur Rusia ka pushtuar Ukrainën, Finlanda dhe Suedi kanë marrë në konsideratë anëtarësimin në NATO, që do të shënojë ndryshim në politikat e ndjekura nga rajoni nordik.