Shpërndahen shumica e serbëve në Jarinje

Pjesa dërmuesve e serbëve në Jarinjë, tek territori i Serbisë, tashmë janë shpërndarë, ndërsa dhjetëra të rinj vazhdojnë që të bindin policët për t’iu lejuar kalimin e kufirit dhe hyrjen në territorin e Kosovës.

Numër i shtuar i forcave policore të njësisë speciale të Serbisë, kanë arritur për t’i ndihmuar kolegët e tyre. Fillimisht është raportuar se kishte përplasje në mes atyre të cilët që ishin pro-respektimit të urdhrit të policisë serbe për t’u kthyer mbrapa dhe të tjerëve të cilët po insistojnë ta kalojnë kordonin e policisë me forcë.

Pastaj, disa protestues serbë janë përleshur me forcat policore të Serbisë afër pikëkalimit kufitar mes Kosovës dhe Serbisë, Jarinjë, – në anën e territorit serb – teksa kanë protestuar si shenjë mbështetjeje ndaj serbëve lokalë që kanë ngritur barrikada në veri të Kosovës.

Kurse, te pjesa kufitare e Kosovës janë parë edhe ushtarët amerikanë të KFOR-it.

LEXONI GJITHASHTU:

• Protestë në Jarinje, policia serbe ndalon protestuesit që të hyjnë në Kosovë
• Tensionet në Kosovë, Berisha: BE-SHBA të dënojnë skenarin e destabilizimit të Vuçiç