Protestë në Jarinje, policia serbe ndalon protestuesit që të hyjnë në Kosovë

Rreth 100 qytetarë, të udhëhequr nga organizata e Patrullës Kombëtare, u mblodhën sot në anën serbe të kalimit administrativ të Jarinjes me Kosovën.

Disa dhjetëra metra larg vendkalimit, ata u ndaluan nga një kordon policor serb, i cili nuk i lejon të kalojnë.

Në një moment turma është përplasur me policinë, por megjithatë nuk raportohet për incidente të tjera.

Në mesin e të mbledhurve disa persona mbanin dhe flamujt e Serbisë dhe Rusisë, si dhe pankarta me mbishkrimin “Nuk ka dorëzim”, dhe pankarta “Lutuni Zotit dhe rrini në Rusi”.

Sot është dita e nëntë që nga vendosja e barrikadave në veri të vendit, ku serbët e zonës kanë vendosur makineri të rënda e kamionë në shenjë revolte për arrestimin e ish-policit, Dejan Pantiç. Barrikadat e vendosura në Rudar dhe Svecan kanë bllokuar kalimin drejt dy pikave kufitare që lidhin Kosovën me Serbinë.

LEXONI GJITHASHTU: 

• Godasin me grushte adoleshentët, arrestohen 3 të rinj në Cërrik
• Në kërkim ndërkombëtar për vrasje të mbetur në tentativë, në pranga 41-vjeçari
• Papa ka firmosur dorëheqjen: Braktis detyrën nëse shëndeti më pengon